بارلىق ورتالىقتاردا جۇمىس جاساپ جاتقان ۇيىرمەلەر مەن سەكسيالاردىڭ جالپى سانى  122ء-نى قۇرايدى.

مۇنداي اقپاراتتى الماتى قالاسى جاستار ساياساتى ماسەلەلەرى جونىندەگى باسقارماسىنىڭ باسشىسى شىڭعىس جۇماعالي ۇلى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگتە باياندادى.

باسقارما باسشىسىنىڭ اقپاراتىنشا، قازىرگى تاڭدا الماتى قالاسىندا جاستارعا الەۋمەتتىك، مادەني، رۋحاني جانە فيزيكالىق دامۋىنا ۇلكەن ۇلەس قوساتىن مەملەكەتتىك جاستار ساياساتىن دامىتۋ قورى قىزمەت اتقارۋدا. الماتى ق.  مجسدق قابىرعاسىندا جاستار مەن ءجاسوسپىرىم بالالارعا 40 بوس ۋاقىتىن ءتيىمدى وتكىزۋ ورتالىعى، جۇمىس اتقارادى. تەگىن تۇردە قىزمەت اتقاراتىن ۇيىرمەلەر مەن سەكسيالاردا بۇگىنگى كۇنى 5000-عا جۋىق ادام قاتىسۋدا. اتالمىش ورتالىقتار الماتى قالاسىنىڭ 8 اۋدانىندا ورنالاسقان: المالى اۋدانىندا 7 ورتالىق، بوستاندىقتا 2، جەتىسۋ اۋدانىندا 4، مەدەۋ اۋدانىندا 5 ورتالىق جانە تۇركسىب اۋدانىندا 8 ورتالىق بولسا، ال، ناۋرىزباي اۋدانىندا 2 ورتالىق بار.  

بارلىق ورتالىقتاردا جۇمىس جاساپ جاتقان ۇيىرمەلەر مەن سەكسيالاردىڭ جالپى سانى – 122ء-نى قۇرايدى. وسى ايتىلعان ۇيىرمەلەر مەن سەكسيالارعا 7 مەن 29 اراسىنداعى بالالار مەن جاستار قاتىسادى. سەكسيالار مەن ۇيىرمەلەردىڭ جۇمىس جاساۋ اۋماعى 5000 ادامدى قامتيدى،-دەپ ايتىپ ءوتتى ول ءوز سوزىندە.

بۇدان بولەك، بوس ۋاقىتتى ءتيىمدى پايدالانۋ ورتالىقتارىندا جاستاردى جانە جاسوسپىرىمدەردى الەۋمەتتىك، مادەني، رۋحاني دامىتۋ جولىندا بەلسەندى جۇمىستار اتقارىلۋدا. سونىمەن قاتار،  قازاقستاننىڭ جاڭا پاتريوتتارىن دايىنداۋدا، سالاۋاتتى ءومىر سالتىن ۇستانۋعا پروپاگاندا جاساۋدا، سۋيسيد جانە ناشاقورلىق الدىن الۋ بويىنشا، سونداي-اق، «رۋحاني جاڭعىرۋ» باعدارلامالىق ماقالاسىن جۇزەگە اسىرۋ بويىنشا بولاشاقتا دا ءبىراز ىستەر قاراستىرۋ كوزدەلۋدە.

ءوسىپ كەلەر جاس ۇرپاقتىڭ فيزيكالىق دامۋى ءۇشىن  الماتى قالاسىنىڭ جاستار ساياساتى مەملەكەتتىك دامۋ قورىنىڭ بارلىق بوس ۋاقىتىن ۇتىمدى پايدالانۋ ورتالىقتارىندا 945 ىشكىكلۋبتىق شارالار ۇيىمداستىرىلىپ، باس-اياعى 35 056 ادامدى قامتىدى،-دەپ ايتىپ ءوتتى شىڭعىس جۇماعالي ۇلى ءوز سوزىندە.